ကဏန်းမဆလာဟင်း


ဒီနေ့တော့ ကဏန်းမဆလာဟင်းလေး စားချင်နေတာနဲ့ ချက်စားဖို့ မနက်ကတည်းက
တာစူနေမိပါတယ်။ကဏန်းကို ချက်စားရမှာကြောက်တာမကိုင်တတ်လို့ နောက်ပြီး
အရှင်တွေဆိုလဲ မကိုင်ရဲဘူးလေ။ဒါနဲ့ သန့်ရှင်းပြီးသား ကဏန်းဘူးကိုတရုတ်ဆိုင်မှာတွေ့တာနဲ့
ဝယ်လာခဲ့တယ်။ သူကအကောင်သေးတယ်အပြာရောင်လေးတွေ။
အနေတော် ပိုင်းပြီးသားဆိုတော့ ချက်ရတာလဲအဆင်ပြေတယ်။



ကဲကဲ လေပေါနေတာနဲ့ ခရီးမရောက်ဘူး၊ ချက်ဖို့အဆာတွေပြင်ဆင်လိုက်ပါဦးမယ်။

လိုအပ်တာတွေကတော့
ကဏန်း ဘူးတ၀က်
ခရမ်းချဉ်သီး ၃လုံး
ကြက်သွန်နီ ဥကြီး တလုံး
ကြက်သွန်ဖြူ ၃ မွှာ
အရောင်တင်မှုန့်
မဆလာ
ဆား၊ ငံပြာရည်
မကျည်းရည်
နံနံပင်
ငရုတ်သီးစိမ်း တို့ပါပဲ။


အရင်ဆုံး ကြက်သွန်နီ ကို ကြိတ်ပါတယ်၊ ဒါမှမဟုတ်ထောင်းပါ။
ကြက်သွန်ဖြူကိုပါရောထောင်းပါ။
ခရမ်းချဉ်သီးကိုလဲ အတုံးသေးသေးလေးတွေလှီးပါ။
မကျည်းရည်အသင့်ဖျော်ထားပါ။
ဆီအိုးတည်ထားပြီး နနွင်းလေး နည်းနည်းထည့်ပြီးကြက်သွန်ဖြူ၊ နီ ဆီသပ်ပါတယ်။
ကြက်သွန်စိမ်းနံ့တွေ ပျောက်သွားပြီ၊း၊ ရွှေဝါရောင်သန်းလာရင် ခရမ်းချဉ်သီးထည့်ပါ
တယ်။ အရောင်တင်မှုန့်ထည့်ပြီး မီးအရှိန်နည်းနည်းလျော့ပါ၊ ခရမ်းချဉ်သီးလေးတွေ
ကြေပြီး လိပ်လာရင် မကျည်းရည်စပ်စပ်လေးထည့်ပြီး ခဏထားပါ။
ဆား ၊ ငံပြာရည်တို့ပါ ထည့်ပြီး ခဏစောင့်နေပါ။ ဟင်းအနှစ်ကို မြည်းကြည့်ပါ၊ စိတ်
ကြိုက်အပေါ့အငံ ရပြီဆိုရင် ကဏန်ထည့်ပါ။ ရေခပ်စပ်စပ်လေး ထည့်ပြီး အိုးအဖုံး
အုပ်ထားလိုက်ပါတယ်။ ကဏန်းထဲ ဟင်းအနှစ်အချိူဓါတ်တွေဝင်သွားတဲ့ အထိ
ဆက်ချက်ပါတယ်။ ကဏန်းကျက်လောက်ရင် မဆလာလေး ဖြူးပြီး ရေနည်းနည်း
လေးထပ်ထည့်ပါတယ်။ မဆလာအနံ့သင်းလာရင် အသင့် လှီးထားတဲ့ နံနံပင်
ငရုတ်သီးစိမ်း ထက်ခြမ်းခွဲထားတာလေး အုပ်လိုက်ပါတယ်။ ခဏတည်ထားပြီး
အနေတော်လောက်ဆို ဟင်းအိုးမီးပိတ်လိုက်နိုင်ပါပြီ။




ခပ်စပ်စပ်လေးစားချင်ရင်၊ ဟင်းခပ်မဆလာရော၊ ငရုတ်သီးမှုန့်ရောထားတဲ့ မဆလာ
ပါထည့်နိုင်ပါတယ်။ နံနံပင်မကြိုက်တတ်ရင် မထည့်လဲ ရပါတယ်ရှင်။

ထမင်းပူပူနွေးနွေးလေးနဲ့ ကဏန်းမဆလာဟင်းလေး သုံးဆောင်နိုင်ပါပြီ။

09:41 | Labels: , , |

You can leave a response

 

0 comments:

Post a Comment

Subscribe to: Post Comments (Atom)